أحبك كثر ماقد صار احبك رغم ماقدصار
أحبك كثر مادنيا الزعل والصد مهجوره
احبك كثر ماتمطر بصدري من غلاك امطار
احبك كثر ماصارت اراضي العشق ممطوره
أحبك كثر ماتفتح شبابيك الربيع ازهار
احبك كثر ماغنت عشان الصبح عصفوره
أحبك كثر ماتوقف على جنب الطريق اشجار
احبك كثر مايقسى الشتاء وتهاجر طيوره
واحبك كثر ما فالارض بنت تلفت الانظار
واحبك كثر مايرتاح عطر بصدر مغروره
احبك كثر ماجاب للمساكن اعطته زوار
احبك كثر ماجانا صباحك يشبهك نوره
احبك كثر ماتهدي كفوف الوصل من تذكار
واحبك كثر ماشالت ايدين العاشق زهوره
احبك كثر مانقرا عن الفارس عن المغوار
احبك كثر مانسمع ولاشفنا ولا اسطوره
احبك كثر ماتلعب الدنيا بالعاشقين اقدار
احبك كثر ماذا الحظ دايم يعلن قصوره
احبك كثر ماعافت رياحي بحسبة البحار
واحبك كثر ما البحار يعشق نسمة بحوره
احبك كثر مايتلحفني من شغل باعذار
احبك كثر مافي الناس ناس جد معذوره
احبك كثر ماملت قصايدنا من التكرار
احبك كثر مالشاعر تمنى حب جمهوره
احبك ماشفنا على وجه الزمان آثار
احبك كثر مافالارض فقر وناس ميسوره
احبك كثر مادارت بذهن الحالمين افكار
احبك كثر مافي الخير ناس للخير مذكوره
احبك كثر ما نرمي حكايات الحطب للنار
احبك كثر ماقلنا عن الاحوال مستوره
احبك كثر مانجهل متى توقف بنا الاعمار
احبك كثر مانسمع حكايا حب مشهوره
احبك كثر ماضاق السجين بلعنة الاسوار
احبك كثر ماهاج البحر واجتاحته ثوره
اح ـبكـ كثر ماننسى واحبك كثر مانحتار
احبك كثر مايسهر محب وفي ايده صوره
احبك كثر ماتقطع شفاتك في العسل مشوار
احبك كثر ماخدك يخلي الشمس مبضوره
احبك كثر ماروج عليك الحسن من اخبار
احبك كثر ماصدرك يدوخ الورد بعطوره
احبك كثر مافي عينك من السحر اغوار
احبك كثر مافيك الغلا ماوفتك قصوره
احبك و الزمن ساكن واحبك لو زماني دار
احبك يامدينة حب وسط الصدر معموره
احبك والتفت شاعر لعينك وامطرت اشعار
حلف مايمسى الليله قبل مايكتب شعوره
ورتبتك بصدري وانت تستاهل وراعي دار
تفضل قلب اوراق الغلا وايديك مشكوره
تفضل لو انت مثلك ذكرت تهلت الانوار
وقمت اجمع من اشواقي قصايد عشق منثوره
تلذذ بالجمال وقلت ابهديك القصيدة إجرار
غلاك وصدق حبك ماترك لي نفس مكسوره
انا عاشق جمال وماخفالي في الجمال اسرار
انا لان كتبت اعطيك واعطي العشق بقدوره
كتبت في القصيدة ابيات من حسنك عليك تغار
حروف العشق طفله في ثياب العيد مسبوره
لقيتك والدلع والثقل شله والحسن ثرثار
ويقول اشياء كثيره للعيون ويثبت حضوره
كفايه لو تطل ويفرح بطلتك دار الجار
كفاية لو تشوف الناس بنظرتك معسوره
غرامك يثري حروفي سقاها الصدق أمطار
كتاباتي تشهد لك غلاك و تحفظ عطوره
احبك ثم احبك ثم احبك رغم ماقد صار ..
احبك حيل مهما صار ..
احبك دام انا طيب واراضي العشق ممطوره
موضوع: مدينة الحب 
